السلام عليكم ورحمة الله وبركاته
تحية طيبة وبعد
::
مؤخراً خطرت ببالي فكرة ، لو أن لي بطاقة أعمال
كما الشركات مثلاً ,/ وهذا ما كان
(كبّر الصورة لتفاصيل أفضل)

آمل أن تنال إعجابكم ،.

شخصياً، صرت أكره إشي اسمه فيس من ورا قصة
"أبوس إيدك تنشرها إذا بتحب الرسول انشرها لو ما نشرتها ربنا بسخطك"
وأحلى شي لما يكون كاتب على الصورة نفسها
"أقسم بالله العظيم أن أنشرها"
لأ وبصير يذكرك بآخر الكلام "تراك حلفت"
عأساس أنا لو قرأت جملة كفرية - والعياذ بالله ومن غير تشبيه -
بالخطأ بكون كفرت مثلاً ؟

أو لما تصير شغلة شحدة اللايكات، بكون بوست لحد مشهور والناس
مندمجة مع المكتوب، فجأة بتلاقي واحد كاتبلك "بدك تضحك اعمل لايك هون"
وفي منهم بشحدوا شحدة "بغلاوة الوالدة تسلخ لايك أبوس إيدك مشان الله
الله يخليلك ولادك الله يفرحك فيهم الله يجوزك الله يعطيك ليرضيك تسلخ لايك "

ولا قصص أكزيما اللايكات
"إذا جارتكم حامل اضغط لايك إذا إيديك الثنتين يمين اضغط لايك
لو إلك عيون اضغط لايك لو إنت بالمدرسة اضغط لايك ولو إنت بالجامعة
اضغط لايك لو إنت مش فيهم اضغط لايك لو شو ما عندك اضغط لايك
بطنك بوجعك؟ اضغط لايك راسك مصدع؟ اضغط لايك بتحب محمد عبده؟
اضغط لايك بتلبس شبشب بالبيت اضغط لايك "

والأسلوب الجديد برضه من الآخر
"اضغك L على الكيبورد وشوف شو رح يصير !!"
أو "اضغط لايك واضغط على الصورة وشوف شو رح يصير"
شو رح يصير يعني؟ بطلعلي جني الفيس بحكيلي شبيك لبيك
بروفايلك بين إيديك؟؟ رح يعمل لايك للبوست أو الصورة مهي مبينة!

لأ وفي آدمنز لبيجات بكونوا تحشيش
"مقارنة بيني وبين ميسي أنا كومنت ميسي لايك"
روح قارن حالك مع ولاد حارتكم أحسنلك
"أنا لايك عبد المحسن عبد ربه كومنت "

يعني كل تكنولوجيا حلوة ومحترمة بنقلبها بأسلوبنا الغبي مع احترامي لشي تافه
الموقع هذا موقع تواصل اجتماعي، والجماعة فاتحينلنا ياه ببلاش، يعني ما بدفعوك
مصاري على الأكاونت تبعك، ولا رح يعطوك مصاري على اللايكات والكومنتات تبعتك
شوفوا البيجات الأجنبية، مليون لايك وكومنت مش بعباطة،
لأ لإنه فعلاً بكون المحتوى، من تعب صحاب البيج، مش لاطشين لطش، ولا بسرقوا
من حد، ولا همهم كم لايك، وكم كومنت، لإنه حكي فاضي ملهاش معنى فعلي إلا رفع معنويات مش أكثر

وإحنا بس شاطرين نجمع لايكات وكومنتات، على شو مش عارف
وبديش حد يسلخ لايك ولو عجبك البوست أو ما عجبك عمرينك
ولا تضع تعليقاً برأيك
بدي أفش غلي وبس -_-

تباً لهم جميعاً

نقلاً عما كتبته بالفيس
وبدي رأيكم
ليش .. ثم ليش .. ثم ليش ..
في هيك حالة نفسية لكثير ناس باللايك والكومنت؟
هل بتعتبرها Low self steam ؟
وبحاول يعوض من خلال الشاشة؟
هاتوا ما لديكم
=)

بسم الله الرحمن الرحيم
سنواصل ما بدأنا به من ومضات قرآنية من بعد غياب

في قصّة إبراهيم عليه السلام في سورة الأنبياء قال تعالى :
( و أرادوا به كيداً فجعلناهم الأخسرين )

و في سورة الصافات قال تعالى :
( فأرادوا بِهِ كيداً فجعلناهم الأسفلين )

وهي قصّة واحدة فما الحكمة فيه ؟
في سورة الأنبياء أخبر اللهُ تعالى عن إبراهيم عليه السلام أنهُ كادَ أصنامهم (و تاللهِ لأكيدنَّ أصنامكم )
و أخبر أنهم أرادوا أن يكيدوهُ كذلك ( و أرادوا بِهِ كيداً ) فتقابل الكيدان ، فلمّا عادَ عليهم كيدُهُم عبّر بالخسارة .

وفي الصافات قال قبلها : ( قالوا ابنوا لهُ بنياناً فألقوهُ في الجحيم ) ، فلمّا رموْا نبيّ الله من فوق البناء إلى أسفل ،
عاقبهم الله من جنس عملهم فجعلهم هم الأسفلين ، و أصبح أمرُ نبيِّ اللهِ عالياً .

هذا والله اعلم